محمود زيد نــآئــب مــديـــر
عدد مساهماتى : 350 انا اتولدت في يوم : 25/07/1992 العمر : 31 الموقع : https://hlove4ever.yoo7.com
| موضوع: خش وقول رايك كل بنات المنتدى ....نصائح لايام الخطوبه...عشان مش عايزين فضايح وتتجوزوا ونخلص بقه...!! السبت أكتوبر 10, 2009 5:28 am | |
| آنستي العزيزة..[ندعوك للتسجيل في المنتدى أو التعريف بنفسك لمعاينة هذه الصورة] لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..[ندعوك للتسجيل في المنتدى أو التعريف بنفسك لمعاينة هذه الصورة]
أجمل ما في الخطوبة العزومات الرومانسية .. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك.. قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي..(انتى مش واقفه على عربيه فول) العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه... . 3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص. . ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. الشنب اللي بترسميه على بقك ف البيت.. وانتى ماسكه السلطانيه بايديكى وقلباها على وشك ...وكالعاده تدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً .. بيتاكل بالشوكة.. أوعي إيدك تتمد ع المعلقة. . وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود.. (بلاش تعملى اعلان (اندومى) ساعتها)..
6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..وكلى حته صغيره وبعدين سيبى الباقى..(ممكن تاخدى معاه صوره للذكرى)
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....
وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفاااااااااااا [ندعوك للتسجيل في المنتدى أو التعريف بنفسك لمعاينة هذه الصورة]
مع تحياتى ميدو انا مستنى الردوديا بنات
| |
|
حسناء مصر ...::l عضو جديد |::...
عدد مساهماتى : 12 انا اتولدت في يوم : 05/01/1992 العمر : 32 الموقع : حب الي الابد
| موضوع: رد: خش وقول رايك كل بنات المنتدى ....نصائح لايام الخطوبه...عشان مش عايزين فضايح وتتجوزوا ونخلص بقه...!! الجمعة أكتوبر 23, 2009 10:43 am | |
| | |
|
محمود زيد نــآئــب مــديـــر
عدد مساهماتى : 350 انا اتولدت في يوم : 25/07/1992 العمر : 31 الموقع : https://hlove4ever.yoo7.com
| موضوع: رد: خش وقول رايك كل بنات المنتدى ....نصائح لايام الخطوبه...عشان مش عايزين فضايح وتتجوزوا ونخلص بقه...!! الإثنين أكتوبر 26, 2009 7:14 am | |
| اية هو انا قولت نكتة ولا اية والكلام دة هو الى بيحصل مرسى ليكى على الرد | |
|
monos قـمر المنتدى
عدد مساهماتى : 19 انا اتولدت في يوم : 16/12/1990 العمر : 33
| موضوع: رد: خش وقول رايك كل بنات المنتدى ....نصائح لايام الخطوبه...عشان مش عايزين فضايح وتتجوزوا ونخلص بقه...!! الخميس أكتوبر 29, 2009 2:39 pm | |
| ميرسى ليك على النصائح الجامدة دى بس ياريت تكتب نصايح للولاد كمان زى ماكتبت نصائح للبنات | |
|
محمود زيد نــآئــب مــديـــر
عدد مساهماتى : 350 انا اتولدت في يوم : 25/07/1992 العمر : 31 الموقع : https://hlove4ever.yoo7.com
| موضوع: رد: خش وقول رايك كل بنات المنتدى ....نصائح لايام الخطوبه...عشان مش عايزين فضايح وتتجوزوا ونخلص بقه...!! الجمعة أكتوبر 30, 2009 11:20 am | |
| مرسى ليك على الرد وانا هاكتب نصائح للولاد قريب انشاء اللة | |
|